|
Undirstöðuþættir fyrir boðskipti |
|
Hegðun og boðskipti eru nátengd. Málþroskaröskun getur valdið því að börn þróa með sér hegðunarerfiðleika. Það er skiptir miklu máli að byggja á hugmyndafræði um mikilvægi þess að byrja nógu snemma að styrkja boðskiptafærni hjá ungum börnum. Þegar börn vita hvernig þau eiga að gera sig skiljanleg og til hvers er ætlast af þeim líður þeim betur og hegðun þeirra batnar. Ungum börnum finnst gaman að hlusta á sömu sögurnar aftur og aftur. Það er líka mikilvægt að þau fái ekki neikvæð skilaboð og skammir. Það gefur betri árangur að leiðbeina þeim, segja þeim hvað þau eiga að gera, sýna þeim hvernig á að „passa hendur“, sitja kyrr, hlusta, bíða, gera til skiptis, muna hvað er sagt og svo framvegis. Börn þurfa að læra undirstöðuþætti fyrir boðskipti til þess að þróa eðlilegan málþroska. |
|
|
Málörvun við upphaf grunnskólagöngu - skilgreind út frá þörfum barnsins |
|
Málið er eitt öflugasta verkfæri hugsunarinnar. Rannsóknir um allan heim sýna tengsl góðs málþroska við námsárangur (Stackhouse og Wells, 1997; Catts og Kahmi, 1999; Guðrún Bjarnadóttir, 2004). Auk þess eru að koma fram rannsóknir sem sýna að málþroskafrávik geta haft bein áhrif á hegðun, líðan og námsárangur viðkomandi barns (Cohen o.fl., 2000; Sólveig Jónsdóttir, 2007; Westby, 2007). |
|
Nánar...
|
|
Undirstöðuþættir fyrir boðskipti |
|
Snemmtæk íhlutun og bækurnar um Bínu |
 Bækurnar Bína bálreiða og Bína fer í leikskóla byggja á langri reynslu höfundar af því að að styrkja boðskiptafærni og efla málþroska hjá ungum börnum. Bína er reið af því að hún veit ekki hvernig hún á að haga sér. Stundum kastar hún sér í gólfið og öskrar. Í bókunum lærir hún ýmislegt gagnlegt sem tengist snemmtækri íhlutun og lærir undirstöðuþætti boðskipta Bækurnar eru myndskreyttar af Bjarna Þór Bjarnasyni myndlistarmanni. Honum tekst að glæða persónurnar í bókunum einstöku lífi þannig að auðvelt er að láta sér þykja vænt um þær.
|
|
Nánar...
|
|
|
|
|
|
