Bína Bálreiða

Ásthildur Bj. Snorradótttir er talmeinafræðingur hjá Talþjálfun Reykjavíkur. Hún hefur langa reynslu af því að styrkja boðskiptafærni og efla málþroska hjá ungum börnum. Bókin Bína bálreiða byggir á þeirri reynslu.

Brúðan Bína verður reið þegar hún veit ekki hvernig hún á að að hegða sér. Stundum kastar hún sér í gólfið og öskrar. Guðrún Svava, mamma hennar, sér að hún þarf að læra að hegða sér betur. Hún kennir henni ýmislegt gagnlegt, til dæmis að sitja kyrr, hlusta og bíða, svo kennir hún henni hvernig á að gera til skiptis. Bína lærir líka nöfn á nokkrum dýrum og að þekkja stafinn sinn og smám saman fer henni að líða miklu betur.